2 שְׁמוּאֵל
22 - תנ ך עברי מודרני Modern Hebrew Bible (HEB)(HEB)
1 וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול
2 ויאמר יהוה סלעי ומצדתי ומפלטי לי
3 אלהי צורי אחסה בו מגני וקרן ישעי משגבי ומנוסי משעי מחמס תשעני
BP #379
4 מהלל אקרא יהוה ומאיבי אושע
BP #378
5 כי אפפני משברי מות נחלי בליעל יבעתני
6 חבלי שאול סבני קדמני מקשי מות
7 בצר לי אקרא יהוה ואל אלהי אקרא וישמע מהיכלו קולי ושועתי באזניו
8 ותגעש ותרעש הארץ מוסדות השמים ירגזו ויתגעשו כי חרה לו
9 עלה עשן באפו ואש מפיו תאכל גחלים בערו ממנו
10 ויט שמים וירד וערפל תחת רגליו
11 וירכב על כרוב ויעף וירא על כנפי רוח
12 וישת חשך סביבתיו סכות חשרת מים עבי שחקים
13 מנגה נגדו בערו גחלי אש
14 ירעם מן שמים יהוה ועליון יתן קולו
15 וישלח חצים ויפיצם ברק ויהמם
16 ויראו אפקי ים יגלו מסדות תבל בגערת יהוה מנשמת רוח אפו
17 ישלח ממרום יקחני ימשני ממים רבים
18 יצילני מאיבי עז משנאי כי אמצו ממני
19 יקדמני ביום אידי ויהי יהוה משען לי
20 ויצא למרחב אתי יחלצני כי חפץ בי
21 יגמלני יהוה כצדקתי כבר ידי ישיב לי
22 כי שמרתי דרכי יהוה ולא רשעתי מאלהי
23 כי כל משפטו לנגדי וחקתיו לא אסור ממנה
24 ואהיה תמים לו ואשתמרה מעוני
25 וישב יהוה לי כצדקתי כברי לנגד עיניו
26 עם חסיד תתחסד עם גבור תמים תתמם
27 עם נבר תתבר ועם עקש תתפל
28 ואת עם עני תושיע ועיניך על רמים תשפיל
30 כי בכה ארוץ גדוד באלהי אדלג שור
31 האל תמים דרכו אמרת יהוה צרופה מגן הוא לכל החסים בו
BP #438
32 כי מי אל מבלעדי יהוה ומי צור מבלעדי אלהינו
33 האל מעוזי חיל ויתר תמים דרכו
BP #656
34 משוה רגליו כאילות ועל במותי יעמדני
35 מלמד ידי למלחמה ונחת קשת נחושה זרעתי
36 ותתן לי מגן ישעך וענתך תרבני
BP #1047
37 תרחיב צעדי תחתני ולא מעדו קרסלי
38 ארדפה איבי ואשמידם ולא אשוב עד כלותם
39 ואכלם ואמחצם ולא יקומון ויפלו תחת רגלי
40 ותזרני חיל למלחמה תכריע קמי תחתני
41 ואיבי תתה לי ערף משנאי ואצמיתם
42 ישעו ואין משיע אל יהוה ולא ענם
43 ואשחקם כעפר ארץ כטיט חוצות אדקם ארקעם
44 ותפלטני מריבי עמי תשמרני לראש גוים עם לא ידעתי יעבדני
45 בני נכר יתכחשו לי לשמוע אזן ישמעו לי
46 בני נכר יבלו ויחגרו ממסגרותם
47 חי יהוה וברוך צורי וירם אלהי צור ישעי
48 האל הנתן נקמת לי ומוריד עמים תחתני
49 ומוציאי מאיבי ומקמי תרוממני מאיש חמסים תצילני
50 על כן אודך יהוה בגוים ולשמך אזמר
51 מגדיל ישועות מלכו ועשה חסד למשיחו לדוד ולזרעו עד עולם
PRS - תפילות | BP - הבטחת התנ"ך
2 שְׁמוּאֵל
2 שְׁמוּאֵל
22 - תנ ך עברי מודרני Modern Hebrew Bible (HEB)(HEB)