2 שְׁמוּאֵל
1 - תנ ך עברי מודרני Modern Hebrew Bible (HEB)(HEB)
1 ויהי אחרי מות שאול ודוד שב מהכות את העמלק וישב דוד בצקלג ימים שנים
2 ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו
3 ויאמר לו דוד אי מזה תבוא ויאמר אליו ממחנה ישראל נמלטתי
4 ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו
5 ויאמר דוד אל הנער המגיד לו איך ידעת כי מת שאול ויהונתן בנו
6 ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו
8 ויאמר לי מי אתה ויאמר אליו עמלקי אנכי
9 ויאמר אלי עמד נא עלי ומתתני כי אחזני השבץ כי כל עוד נפשי בי
BP #156
10 ואעמד עליו ואמתתהו כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנה
BP #155
11 ויחזק דוד בבגדו ויקרעם וגם כל האנשים אשר אתו
12 ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב
SUF #8
BP #142
13 ויאמר דוד אל הנער המגיד לו אי מזה אתה ויאמר בן איש גר עמלקי אנכי
14 ויאמר אליו דוד איך לא יראת לשלח ידך לשחת את משיח יהוה
15 ויקרא דוד לאחד מהנערים ויאמר גש פגע בו ויכהו וימת
16 ויאמר אליו דוד דמיך על ראשך כי פיך ענה בך לאמר אנכי מתתי את משיח יהוה
17 ויקנן דוד את הקינה הזאת על שאול ועל יהונתן בנו
18 ויאמר ללמד בני יהודה קשת הנה כתובה על ספר הישר
19 הצבי ישראל על במותיך חלל איך נפלו גבורים
20 אל תגידו בגת אל תבשרו בחוצת אשקלון פן תשמחנה בנות פלשתים פן תעלזנה בנות הערלים
21 הרי בגלבע אל טל ואל מטר עליכם ושדי תרומת כי שם נגעל מגן גבורים מגן שאול בלי משיח בשמן
22 מדם חללים מחלב גבורים קשת יהונתן לא נשוג אחור וחרב שאול לא תשוב ריקם
23 שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברו
24 בנות ישראל אל שאול בכינה המלבשכם שני עם עדנים המעלה עדי זהב על לבושכן
25 איך נפלו גברים בתוך המלחמה יהונתן על במותיך חלל
26 צר לי עליך אחי יהונתן נעמת לי מאד נפלאתה אהבתך לי מאהבת נשים
27 איך נפלו גבורים ויאבדו כלי מלחמה
STR - התמודדות עם לחץ | SUF - התמודדות עם סבל | BP - הבטחת התנ"ך
2 שְׁמוּאֵל
2 שְׁמוּאֵל
1 - תנ ך עברי מודרני Modern Hebrew Bible (HEB)(HEB)