2 דִּבְרֵי הַיָּמִים
11 - תנ ך עברי מודרני Modern Hebrew Bible (HEB)(HEB)
1 ויבא רחבעם ירושלם ויקהל את בית יהודה ובנימן מאה ושמונים אלף בחור עשה מלחמה להלחם עם ישראל להשיב את הממלכה לרחבעם
2 ויהי דבר יהוה אל שמעיהו איש האלהים לאמר
3 אמר אל רחבעם בן שלמה מלך יהודה ואל כל ישראל ביהודה ובנימן לאמר
4 כה אמר יהוה לא תעלו ולא תלחמו עם אחיכם שובו איש לביתו כי מאתי נהיה הדבר הזה וישמעו את דברי יהוה וישבו מלכת אל ירבעם
5 וישב רחבעם בירושלם ויבן ערים למצור ביהודה
6 ויבן את בית לחם ואת עיטם ואת תקוע
7 ואת בית צור ואת שוכו ואת עדלם
8 ואת גת ואת מרשה ואת זיף
BP #363
9 ואת אדורים ואת לכיש ואת עזקה
BP #364
10 ואת צרעה ואת אילון ואת חברון אשר ביהודה ובבנימן ערי מצרות
11 ויחזק את המצרות ויתן בהם נגידים ואצרות מאכל ושמן ויין
12 ובכל עיר ועיר צנות ורמחים ויחזקם להרבה מאד ויהי לו יהודה ובנימן
13 והכהנים והלוים אשר בכל ישראל התיצבו עליו מכל גבולם
14 כי עזבו הלוים את מגרשיהם ואחזתם וילכו ליהודה ולירושלם כי הזניחם ירבעם ובניו מכהן ליהוה
15 ויעמד לו כהנים לבמות ולשעירים ולעגלים אשר עשה
16 ואחריהם מכל שבטי ישראל הנתנים את לבבם לבקש את יהוה אלהי ישראל באו ירושלם לזבוח ליהוה אלהי אבותיהם
17 ויחזקו את מלכות יהודה ויאמצו את רחבעם בן שלמה לשנים שלוש כי הלכו בדרך דויד ושלמה לשנים שלוש
18 ויקח לו רחבעם אשה את מחלת בן ירימות בן דויד אביהיל בת אליאב בן ישי
BP #324
19 ותלד לו בנים את יעוש ואת שמריה ואת זהם
20 ואחריה לקח את מעכה בת אבשלום ותלד לו את אביה ואת עתי ואת זיזא ואת שלמית
21 ויאהב רחבעם את מעכה בת אבשלום מכל נשיו ופילגשיו כי נשים שמונה עשרה נשא ופילגשים ששים ויולד עשרים ושמונה בנים וששים בנות
22 ויעמד לראש רחבעם את אביה בן מעכה לנגיד באחיו כי להמליכו
23 ויבן ויפרץ מכל בניו לכל ארצות יהודה ובנימן לכל ערי המצרות ויתן להם המזון לרב וישאל המון נשים
BP - הבטחת התנ"ך
2 דִּבְרֵי הַיָּמִים
2 דִּבְרֵי הַיָּמִים
11 - תנ ך עברי מודרני Modern Hebrew Bible (HEB)(HEB)