2 דִּבְרֵי הַיָּמִים
17 - תנ ך עברי מודרני Modern Hebrew Bible (HEB)(HEB)
1 וימלך יהושפט בנו תחתיו ויתחזק על ישראל
2 ויתן חיל בכל ערי יהודה הבצרות ויתן נציבים בארץ יהודה ובערי אפרים אשר לכד אסא אביו
3 ויהי יהוה עם יהושפט כי הלך בדרכי דויד אביו הראשנים ולא דרש לבעלים
4 כי לאלהי אביו דרש ובמצותיו הלך ולא כמעשה ישראל
5 ויכן יהוה את הממלכה בידו ויתנו כל יהודה מנחה ליהושפט ויהי לו עשר וכבוד לרב
6 ויגבה לבו בדרכי יהוה ועוד הסיר את הבמות ואת האשרים מיהודה
7 ובשנת שלוש למלכו שלח לשריו לבן חיל ולעבדיה ולזכריה ולנתנאל ולמיכיהו ללמד בערי יהודה
8 ועמהם הלוים שמעיהו ונתניהו וזבדיהו ועשהאל ושמרימות ויהונתן ואדניהו וטוביהו וטוב אדוניה הלוים ועמהם אלישמע ויהורם הכהנים
BP #363
9 וילמדו ביהודה ועמהם ספר תורת יהוה ויסבו בכל ערי יהודה וילמדו בעם
BP #364
10 ויהי פחד יהוה על כל ממלכות הארצות אשר סביבות יהודה ולא נלחמו עם יהושפט
11 ומן פלשתים מביאים ליהושפט מנחה וכסף משא גם הערביאים מביאים לו צאן אילים שבעת אלפים ושבע מאות ותישים שבעת אלפים ושבע מאות
12 ויהי יהושפט הלך וגדל עד למעלה ויבן ביהודה בירניות וערי מסכנות
13 ומלאכה רבה היה לו בערי יהודה ואנשי מלחמה גבורי חיל בירושלם
14 ואלה פקדתם לבית אבותיהם ליהודה שרי אלפים עדנה השר ועמו גבורי חיל שלש מאות אלף
15 ועל ידו יהוחנן השר ועמו מאתים ושמונים אלף
16 ועל ידו עמסיה בן זכרי המתנדב ליהוה ועמו מאתים אלף גבור חיל
17 ומן בנימן גבור חיל אלידע ועמו נשקי קשת ומגן מאתים אלף
18 ועל ידו יהוזבד ועמו מאה ושמונים אלף חלוצי צבא
BP #324
19 אלה המשרתים את המלך מלבד אשר נתן המלך בערי המבצר בכל יהודה
BP - הבטחת התנ"ך
2 דִּבְרֵי הַיָּמִים
2 דִּבְרֵי הַיָּמִים
17 - תנ ך עברי מודרני Modern Hebrew Bible (HEB)(HEB)