אִיּוֹב 5 - תנ ך עברי מודרני Modern Hebrew Bible (HEB)(HEB)
1 קרא נא היש עונך ואל מי מקדשים תפנה
2 כי לאויל יהרג כעש ופתה תמית קנאה
3 אני ראיתי אויל משריש ואקוב נוהו פתאם
4 ירחקו בניו מישע וידכאו בשער ואין מציל
5 אשר קצירו רעב יאכל ואל מצנים יקחהו ושאף צמים חילם
6 כי לא יצא מעפר און ומאדמה לא יצמח עמל
7 כי אדם לעמל יולד ובני רשף יגביהו עוף
8 אולם אני אדרש אל אל ואל אלהים אשים דברתי
9 עשה גדלות ואין חקר נפלאות עד אין מספר
10 הנתן מטר על פני ארץ ושלח מים על פני חוצות
11 לשום שפלים למרום וקדרים שגבו ישע
12 מפר מחשבות ערומים ולא תעשינה ידיהם תושיה
13 לכד חכמים בערמם ועצת נפתלים נמהרה
14 יומם יפגשו חשך וכלילה ימששו בצהרים
15 וישע מחרב מפיהם ומיד חזק אביון
16 ותהי לדל תקוה ועלתה קפצה פיה
17 הנה אשרי אנוש יוכחנו אלוה ומוסר שדי אל תמאס
BP #1079
18 כי הוא יכאיב ויחבש ימחץ וידו תרפינה
BP #1079
20 ברעב פדך ממות ובמלחמה מידי חרב
BP #1446
21 בשוט לשון תחבא ולא תירא משד כי יבוא
BP #1464
22 לשד ולכפן תשחק ומחית הארץ אל תירא
BP #1394
23 כי עם אבני השדה בריתך וחית השדה השלמה לך
BP #1394
24 וידעת כי שלום אהלך ופקדת נוך ולא תחטא
BP #1433
25 וידעת כי רב זרעך וצאצאיך כעשב הארץ
BP #1398
26 תבוא בכלח אלי קבר כעלות גדיש בעתו
BP #1393
27 הנה זאת חקרנוה כן היא שמענה ואתה דע לך
UPR - הבטחות ללא תנאי | BP - הבטחת התנ"ך