תְהִלִּים 115 - תנ ך עברי מודרני Modern Hebrew Bible (HEB)(HEB)
1 לא לנו יהוה לא לנו כי לשמך תן כבוד על חסדך על אמתך
2 למה יאמרו הגוים איה נא אלהיהם
3 ואלהינו בשמים כל אשר חפץ עשה
4 עצביהם כסף וזהב מעשה ידי אדם
5 פה להם ולא ידברו עינים להם ולא יראו
6 אזנים להם ולא ישמעו אף להם ולא יריחון
7 ידיהם ולא ימישון רגליהם ולא יהלכו לא יהגו בגרונם
8 כמוהם יהיו עשיהם כל אשר בטח בהם
9 ישראל בטח ביהוה עזרם ומגנם הוא
10 בית אהרן בטחו ביהוה עזרם ומגנם הוא
11 יראי יהוה בטחו ביהוה עזרם ומגנם הוא
12 יהוה זכרנו יברך יברך את בית ישראל יברך את בית אהרן
13 יברך יראי יהוה הקטנים עם הגדלים
BP #1148
14 יסף יהוה עליכם עליכם ועל בניכם
BP #1147
15 ברוכים אתם ליהוה עשה שמים וארץ
BP #1146
16 השמים שמים ליהוה והארץ נתן לבני אדם
BP #1146
17 לא המתים יהללו יה ולא כל ירדי דומה
DTH #10
18 ואנחנו נברך יה מעתה ועד עולם הללו יה
DTH - מוות | BP - הבטחת התנ"ך
תְהִלִּיםתְהִלִּים 115 - תנ ך עברי מודרני Modern Hebrew Bible (HEB)(HEB)