תְהִלִּים 116 - תנ ך עברי מודרני Modern Hebrew Bible (HEB)(HEB)
1 אהבתי כי ישמע יהוה את קולי תחנוני
2 כי הטה אזנו לי ובימי אקרא
3 אפפוני חבלי מות ומצרי שאול מצאוני צרה ויגון אמצא
4 ובשם יהוה אקרא אנה יהוה מלטה נפשי
5 חנון יהוה וצדיק ואלהינו מרחם
BP #562
6 שמר פתאים יהוה דלותי ולי יהושיע
BP #1021
7 שובי נפשי למנוחיכי כי יהוה גמל עליכי
8 כי חלצת נפשי ממות את עיני מן דמעה את רגלי מדחי
9 אתהלך לפני יהוה בארצות החיים
10 האמנתי כי אדבר אני עניתי מאד
11 אני אמרתי בחפזי כל האדם כזב
12 מה אשיב ליהוה כל תגמולוהי עלי
13 כוס ישועות אשא ובשם יהוה אקרא
14 נדרי ליהוה אשלם נגדה נא לכל עמו
15 יקר בעיני יהוה המותה לחסידיו
BP #1035
16 אנה יהוה כי אני עבדך אני עבדך בן אמתך פתחת למוסרי
17 לך אזבח זבח תודה ובשם יהוה אקרא
18 נדרי ליהוה אשלם נגדה נא לכל עמו
19 בחצרות בית יהוה בתוככי ירושלם הללו יה
BP - הבטחת התנ"ך
תְהִלִּיםתְהִלִּים 116 - תנ ך עברי מודרני Modern Hebrew Bible (HEB)(HEB)