תְהִלִּים 118 - תנ ך עברי מודרני Modern Hebrew Bible (HEB)(HEB)
1 הודו ליהוה כי טוב כי לעולם חסדו
BP #282
2 יאמר נא ישראל כי לעולם חסדו
3 יאמרו נא בית אהרן כי לעולם חסדו
4 יאמרו נא יראי יהוה כי לעולם חסדו
5 מן המצר קראתי יה ענני במרחב יה
BP #956
6 יהוה לי לא אירא מה יעשה לי אדם
7 יהוה לי בעזרי ואני אראה בשנאי
8 טוב לחסות ביהוה מבטח באדם
BP #702
9 טוב לחסות ביהוה מבטח בנדיבים
10 כל גוים סבבוני בשם יהוה כי אמילם
11 סבוני גם סבבוני בשם יהוה כי אמילם
12 סבוני כדבורים דעכו כאש קוצים בשם יהוה כי אמילם
13 דחה דחיתני לנפל ויהוה עזרני
14 עזי וזמרת יה ויהי לי לישועה
15 קול רנה וישועה באהלי צדיקים ימין יהוה עשה חיל
BP #1362
16 ימין יהוה רוממה ימין יהוה עשה חיל
17 לא אמות כי אחיה ואספר מעשי יה
18 יסר יסרני יה ולמות לא נתנני
19 פתחו לי שערי צדק אבא בם אודה יה
20 זה השער ליהוה צדיקים יבאו בו
21 אודך כי עניתני ותהי לי לישועה
22 אבן מאסו הבונים היתה לראש פנה
23 מאת יהוה היתה זאת היא נפלאת בעינינו
24 זה היום עשה יהוה נגילה ונשמחה בו
25 אנא יהוה הושיעה נא אנא יהוה הצליחה נא
26 ברוך הבא בשם יהוה ברכנוכם מבית יהוה
27 אל יהוה ויאר לנו אסרו חג בעבתים עד קרנות המזבח
28 אלי אתה ואודך אלהי ארוממך
29 הודו ליהוה כי טוב כי לעולם חסדו
BP #1367
BP - הבטחת התנ"ך
תְהִלִּיםתְהִלִּים 118 - תנ ך עברי מודרני Modern Hebrew Bible (HEB)(HEB)