תְהִלִּים 119 - תנ ך עברי מודרני Modern Hebrew Bible (HEB)(HEB)
1 אשרי תמימי דרך ההלכים בתורת יהוה
BP #750
2 אשרי נצרי עדתיו בכל לב ידרשוהו
BP #749
3 אף לא פעלו עולה בדרכיו הלכו
4 אתה צויתה פקדיך לשמר מאד
5 אחלי יכנו דרכי לשמר חקיך
6 אז לא אבוש בהביטי אל כל מצותיך
BP #1279
7 אודך בישר לבב בלמדי משפטי צדקך
8 את חקיך אשמר אל תעזבני עד מאד
9 במה יזכה נער את ארחו לשמר כדברך
BIB #6
10 בכל לבי דרשתיך אל תשגני ממצותיך
PRS #67
11 בלבי צפנתי אמרתך למען לא אחטא לך
BP #375
12 ברוך אתה יהוה למדני חקיך
13 בשפתי ספרתי כל משפטי פיך
14 בדרך עדותיך ששתי כעל כל הון
15 בפקדיך אשיחה ואביטה ארחתיך
16 בחקתיך אשתעשע לא אשכח דברך
PRS #68
17 גמל על עבדך אחיה ואשמרה דברך
PRS #69
18 גל עיני ואביטה נפלאות מתורתך
19 גר אנכי בארץ אל תסתר ממני מצותיך
20 גרסה נפשי לתאבה אל משפטיך בכל עת
21 גערת זדים ארורים השגים ממצותיך
22 גל מעלי חרפה ובוז כי עדתיך נצרתי
23 גם ישבו שרים בי נדברו עבדך ישיח בחקיך
24 גם עדתיך שעשעי אנשי עצתי
25 דבקה לעפר נפשי חיני כדברך
26 דרכי ספרתי ותענני למדני חקיך
27 דרך פקודיך הבינני ואשיחה בנפלאותיך
PRS #70
28 דלפה נפשי מתוגה קימני כדברך
29 דרך שקר הסר ממני ותורתך חנני
30 דרך אמונה בחרתי משפטיך שויתי
31 דבקתי בעדותיך יהוה אל תבישני
32 דרך מצותיך ארוץ כי תרחיב לבי
PRS #71
33 הורני יהוה דרך חקיך ואצרנה עקב
34 הבינני ואצרה תורתך ואשמרנה בכל לב
35 הדריכני בנתיב מצותיך כי בו חפצתי
36 הט לבי אל עדותיך ואל אל בצע
37 העבר עיני מראות שוא בדרכך חיני
38 הקם לעבדך אמרתך אשר ליראתך
39 העבר חרפתי אשר יגרתי כי משפטיך טובים
40 הנה תאבתי לפקדיך בצדקתך חיני
41 ויבאני חסדך יהוה תשועתך כאמרתך
42 ואענה חרפי דבר כי בטחתי בדברך
PRS #72
43 ואל תצל מפי דבר אמת עד מאד כי למשפטך יחלתי
44 ואשמרה תורתך תמיד לעולם ועד
45 ואתהלכה ברחבה כי פקדיך דרשתי
46 ואדברה בעדתיך נגד מלכים ולא אבוש
47 ואשתעשע במצותיך אשר אהבתי
48 ואשא כפי אל מצותיך אשר אהבתי ואשיחה בחקיך
49 זכר דבר לעבדך על אשר יחלתני
BP #419
50 זאת נחמתי בעניי כי אמרתך חיתני
BP #419
51 זדים הליצני עד מאד מתורתך לא נטיתי
52 זכרתי משפטיך מעולם יהוה ואתנחם
53 זלעפה אחזתני מרשעים עזבי תורתך
54 זמרות היו לי חקיך בבית מגורי
55 זכרתי בלילה שמך יהוה ואשמרה תורתך
56 זאת היתה לי כי פקדיך נצרתי
57 חלקי יהוה אמרתי לשמר דבריך
58 חליתי פניך בכל לב חנני כאמרתך
59 חשבתי דרכי ואשיבה רגלי אל עדתיך
60 חשתי ולא התמהמהתי לשמר מצותיך
61 חבלי רשעים עודני תורתך לא שכחתי
62 חצות לילה אקום להודות לך על משפטי צדקך
63 חבר אני לכל אשר יראוך ולשמרי פקודיך
64 חסדך יהוה מלאה הארץ חקיך למדני
65 טוב עשית עם עבדך יהוה כדברך
66 טוב טעם ודעת למדני כי במצותיך האמנתי
67 טרם אענה אני שגג ועתה אמרתך שמרתי
68 טוב אתה ומטיב למדני חקיך
69 טפלו עלי שקר זדים אני בכל לב אצר פקודיך
70 טפש כחלב לבם אני תורתך שעשעתי
71 טוב לי כי עניתי למען אלמד חקיך
PRS #73
72 טוב לי תורת פיך מאלפי זהב וכסף
BP #753
73 ידיך עשוני ויכוננוני הבינני ואלמדה מצותיך
74 יראיך יראוני וישמחו כי לדברך יחלתי
75 ידעתי יהוה כי צדק משפטיך ואמונה עניתני
76 יהי נא חסדך לנחמני כאמרתך לעבדך
77 יבאוני רחמיך ואחיה כי תורתך שעשעי
78 יבשו זדים כי שקר עותוני אני אשיח בפקודיך
79 ישובו לי יראיך וידעו עדתיך
80 יהי לבי תמים בחקיך למען לא אבוש
81 כלתה לתשועתך נפשי לדברך יחלתי
82 כלו עיני לאמרתך לאמר מתי תנחמני
83 כי הייתי כנאד בקיטור חקיך לא שכחתי
84 כמה ימי עבדך מתי תעשה ברדפי משפט
85 כרו לי זדים שיחות אשר לא כתורתך
86 כל מצותיך אמונה שקר רדפוני עזרני
87 כמעט כלוני בארץ ואני לא עזבתי פקודיך
88 כחסדך חיני ואשמרה עדות פיך
89 לעולם יהוה דברך נצב בשמים
BP #759
91 למשפטיך עמדו היום כי הכל עבדיך
92 לולי תורתך שעשעי אז אבדתי בעניי
93 לעולם לא אשכח פקודיך כי בם חייתני
94 לך אני הושיעני כי פקודיך דרשתי
95 לי קוו רשעים לאבדני עדתיך אתבונן
96 לכל תכלה ראיתי קץ רחבה מצותך מאד
97 מה אהבתי תורתך כל היום היא שיחתי
98 מאיבי תחכמני מצותך כי לעולם היא לי
BP #1011
99 מכל מלמדי השכלתי כי עדותיך שיחה לי
100 מזקנים אתבונן כי פקודיך נצרתי
101 מכל ארח רע כלאתי רגלי למען אשמר דברך
102 ממשפטיך לא סרתי כי אתה הורתני
103 מה נמלצו לחכי אמרתך מדבש לפי
104 מפקודיך אתבונן על כן שנאתי כל ארח שקר
106 נשבעתי ואקימה לשמר משפטי צדקך
107 נעניתי עד מאד יהוה חיני כדברך
108 נדבות פי רצה נא יהוה ומשפטיך למדני
109 נפשי בכפי תמיד ותורתך לא שכחתי
110 נתנו רשעים פח לי ומפקודיך לא תעיתי
111 נחלתי עדותיך לעולם כי ששון לבי המה
112 נטיתי לבי לעשות חקיך לעולם עקב
113 סעפים שנאתי ותורתך אהבתי
114 סתרי ומגני אתה לדברך יחלתי
115 סורו ממני מרעים ואצרה מצות אלהי
116 סמכני כאמרתך ואחיה ואל תבישני משברי
PRS #75
117 סעדני ואושעה ואשעה בחקיך תמיד
118 סלית כל שוגים מחקיך כי שקר תרמיתם
119 סגים השבת כל רשעי ארץ לכן אהבתי עדתיך
120 סמר מפחדך בשרי וממשפטיך יראתי
121 עשיתי משפט וצדק בל תניחני לעשקי
122 ערב עבדך לטוב אל יעשקני זדים
123 עיני כלו לישועתך ולאמרת צדקך
124 עשה עם עבדך כחסדך וחקיך למדני
125 עבדך אני הבינני ואדעה עדתיך
126 עת לעשות ליהוה הפרו תורתך
127 על כן אהבתי מצותיך מזהב ומפז
128 על כן כל פקודי כל ישרתי כל ארח שקר שנאתי
129 פלאות עדותיך על כן נצרתם נפשי
131 פי פערתי ואשאפה כי למצותיך יאבתי
132 פנה אלי וחנני כמשפט לאהבי שמך
133 פעמי הכן באמרתך ואל תשלט בי כל און
134 פדני מעשק אדם ואשמרה פקודיך
135 פניך האר בעבדך ולמדני את חקיך
136 פלגי מים ירדו עיני על לא שמרו תורתך
137 צדיק אתה יהוה וישר משפטיך
138 צוית צדק עדתיך ואמונה מאד
139 צמתתני קנאתי כי שכחו דבריך צרי
140 צרופה אמרתך מאד ועבדך אהבה
141 צעיר אנכי ונבזה פקדיך לא שכחתי
142 צדקתך צדק לעולם ותורתך אמת
143 צר ומצוק מצאוני מצותיך שעשעי
BP #758
144 צדק עדותיך לעולם הבינני ואחיה
145 קראתי בכל לב ענני יהוה חקיך אצרה
146 קראתיך הושיעני ואשמרה עדתיך
147 קדמתי בנשף ואשועה לדבריך יחלתי
148 קדמו עיני אשמרות לשיח באמרתך
149 קולי שמעה כחסדך יהוה כמשפטך חיני
150 קרבו רדפי זמה מתורתך רחקו
151 קרוב אתה יהוה וכל מצותיך אמת
152 קדם ידעתי מעדתיך כי לעולם יסדתם
153 ראה עניי וחלצני כי תורתך לא שכחתי
154 ריבה ריבי וגאלני לאמרתך חיני
155 רחוק מרשעים ישועה כי חקיך לא דרשו
156 רחמיך רבים יהוה כמשפטיך חיני
157 רבים רדפי וצרי מעדותיך לא נטיתי
158 ראיתי בגדים ואתקוטטה אשר אמרתך לא שמרו
159 ראה כי פקודיך אהבתי יהוה כחסדך חיני
160 ראש דברך אמת ולעולם כל משפט צדקך
161 שרים רדפוני חנם ומדבריך פחד לבי
162 שש אנכי על אמרתך כמוצא שלל רב
163 שקר שנאתי ואתעבה תורתך אהבתי
164 שבע ביום הללתיך על משפטי צדקך
166 שברתי לישועתך יהוה ומצותיך עשיתי
167 שמרה נפשי עדתיך ואהבם מאד
168 שמרתי פקודיך ועדתיך כי כל דרכי נגדך
169 תקרב רנתי לפניך יהוה כדברך הבינני
PRS #76
170 תבוא תחנתי לפניך כאמרתך הצילני
171 תבענה שפתי תהלה כי תלמדני חקיך
172 תען לשוני אמרתך כי כל מצותיך צדק
173 תהי ידך לעזרני כי פקודיך בחרתי
174 תאבתי לישועתך יהוה ותורתך שעשעי
175 תחי נפשי ותהללך ומשפטך יעזרני
176 תעיתי כשה אבד בקש עבדך כי מצותיך לא שכחתי
BIB - התנ"ך | PRS - תפילות | UPR - הבטחות ללא תנאי | CPR - הבטחות מותנות | BP - הבטחת התנ"ך
תְהִלִּיםתְהִלִּים 119 - תנ ך עברי מודרני Modern Hebrew Bible (HEB)(HEB)