Bible | Bible Search

תְהִלִּים 122 - תנ ך עברי מודרני Modern Hebrew Bible (HEB)(HEB)

¹ שיר המעלות לדוד שמחתי באמרים לי בית יהוה נלך

² עמדות היו רגלינו בשעריך ירושלם

³ ירושלם הבנויה כעיר שחברה לה יחדו

⁴ ששם עלו שבטים שבטי יה עדות לישראל להדות לשם יהוה

⁵ כי שמה ישבו כסאות למשפט כסאות לבית דויד

⁶ שאלו שלום ירושלם ישליו אהביך

⁷ יהי שלום בחילך שלוה בארמנותיך

⁸ למען אחי ורעי אדברה נא שלום בך

⁹ למען בית יהוה אלהינו אבקשה טוב לך

תְהִלִּיםתְהִלִּים 122 - תנ ך עברי מודרני Modern Hebrew Bible (HEB)(HEB)