תְהִלִּים 143 - תנ ך עברי מודרני Modern Hebrew Bible (HEB)(HEB)
1 מזמור לדוד יהוה שמע תפלתי האזינה אל תחנוני באמנתך ענני בצדקתך
2 ואל תבוא במשפט את עבדך כי לא יצדק לפניך כל חי
3 כי רדף אויב נפשי דכא לארץ חיתי הושיבני במחשכים כמתי עולם
4 ותתעטף עלי רוחי בתוכי ישתומם לבי
5 זכרתי ימים מקדם הגיתי בכל פעלך במעשה ידיך אשוחח
6 פרשתי ידי אליך נפשי כארץ עיפה לך סלה
7 מהר ענני יהוה כלתה רוחי אל תסתר פניך ממני ונמשלתי עם ירדי בור
8 השמיעני בבקר חסדך כי בך בטחתי הודיעני דרך זו אלך כי אליך נשאתי נפשי
9 הצילני מאיבי יהוה אליך כסתי
10 למדני לעשות רצונך כי אתה אלוהי רוחך טובה תנחני בארץ מישור
PRS #81
11 למען שמך יהוה תחיני בצדקתך תוציא מצרה נפשי
12 ובחסדך תצמית איבי והאבדת כל צררי נפשי כי אני עבדך
PRS - תפילות
תְהִלִּיםתְהִלִּים 143 - תנ ך עברי מודרני Modern Hebrew Bible (HEB)(HEB)