תְהִלִּים 30 - תנ ך עברי מודרני Modern Hebrew Bible (HEB)(HEB)
1 מזמור שיר חנכת הבית לדוד ארוממך יהוה כי דליתני ולא שמחת איבי לי
PRS #32
2 יהוה אלהי שועתי אליך ותרפאני
3 יהוה העלית מן שאול נפשי חייתני מיורדי בור
4 זמרו ליהוה חסידיו והודו לזכר קדשו
5 כי רגע באפו חיים ברצונו בערב ילין בכי ולבקר רנה
BP #110
6 ואני אמרתי בשלוי בל אמוט לעולם
7 יהוה ברצונך העמדתה להררי עז הסתרת פניך הייתי נבהל
DES #4
8 אליך יהוה אקרא ואל אדני אתחנן
9 מה בצע בדמי ברדתי אל שחת היודך עפר היגיד אמתך
10 שמע יהוה וחנני יהוה היה עזר לי
11 הפכת מספדי למחול לי פתחת שקי ותאזרני שמחה
BP #967
12 למען יזמרך כבוד ולא ידם יהוה אלהי לעולם אודך
PRS - תפילות | DES - התגברות על ייאוש | BP - הבטחת התנ"ך