Bible | Bible Search

תְהִלִּים 5 - תנ ך עברי מודרני Modern Hebrew Bible (HEB)(HEB)

¹ למנצח אל הנחילות מזמור לדוד אמרי האזינה יהוה בינה הגיגי PRS #4

² הקשיבה לקול שועי מלכי ואלהי כי אליך אתפלל

³ יהוה בקר תשמע קולי בקר אערך לך ואצפה

⁴ כי לא אל חפץ רשע אתה לא יגרך רע

⁵ לא יתיצבו הוללים לנגד עיניך שנאת כל פעלי און

⁶ תאבד דברי כזב איש דמים ומרמה יתעב יהוה

⁷ ואני ברב חסדך אבוא ביתך אשתחוה אל היכל קדשך ביראתך

⁸ יהוה נחני בצדקתך למען שוררי הושר לפני דרכך

⁹ כי אין בפיהו נכונה קרבם הוות קבר פתוח גרונם לשונם יחליקון

¹⁰ האשימם אלהים יפלו ממעצותיהם ברב פשעיהם הדיחמו כי מרו בך

¹¹ וישמחו כל חוסי בך לעולם ירננו ותסך עלימו ויעלצו בך אהבי שמך

¹² כי אתה תברך צדיק יהוה כצנה רצון תעטרנו

PRS - תפילות

תְהִלִּיםתְהִלִּים 5 - תנ ך עברי מודרני Modern Hebrew Bible (HEB)(HEB)