תְהִלִּים 94 - תנ ך עברי מודרני Modern Hebrew Bible (HEB)(HEB)
1 אל נקמות יהוה אל נקמות הופיע
2 הנשא שפט הארץ השב גמול על גאים
3 עד מתי רשעים יהוה עד מתי רשעים יעלזו
4 יביעו ידברו עתק יתאמרו כל פעלי און
5 עמך יהוה ידכאו ונחלתך יענו
6 אלמנה וגר יהרגו ויתומים ירצחו
7 ויאמרו לא יראה יה ולא יבין אלהי יעקב
8 בינו בערים בעם וכסילים מתי תשכילו
9 הנטע אזן הלא ישמע אם יצר עין הלא יביט
10 היסר גוים הלא יוכיח המלמד אדם דעת
11 יהוה ידע מחשבות אדם כי המה הבל
12 אשרי הגבר אשר תיסרנו יה ומתורתך תלמדנו
BP #148
13 להשקיט לו מימי רע עד יכרה לרשע שחת
BP #148
14 כי לא יטש יהוה עמו ונחלתו לא יעזב
BP #1064
15 כי עד צדק ישוב משפט ואחריו כל ישרי לב
16 מי יקום לי עם מרעים מי יתיצב לי עם פעלי און
17 לולי יהוה עזרתה לי כמעט שכנה דומה נפשי
18 אם אמרתי מטה רגלי חסדך יהוה יסעדני
19 ברב שרעפי בקרבי תנחומיך ישעשעו נפשי
BP #160
20 היחברך כסא הוות יצר עמל עלי חק
21 יגודו על נפש צדיק ודם נקי ירשיעו
22 ויהי יהוה לי למשגב ואלהי לצור מחסי
23 וישב עליהם את אונם וברעתם יצמיתם יצמיתם יהוה אלהינו
BP - הבטחת התנ"ך