מִשְׁלֵי 16 - תנ ך עברי מודרני Modern Hebrew Bible (HEB)(HEB)
1 לאדם מערכי לב ומיהוה מענה לשון
2 כל דרכי איש זך בעיניו ותכן רוחות יהוה
4 כל פעל יהוה למענהו וגם רשע ליום רעה
5 תועבת יהוה כל גבה לב יד ליד לא ינקה
6 בחסד ואמת יכפר עון וביראת יהוה סור מרע
7 ברצות יהוה דרכי איש גם אויביו ישלם אתו
BP #22
8 טוב מעט בצדקה מרב תבואות בלא משפט
10 קסם על שפתי מלך במשפט לא ימעל פיו
11 פלס ומאזני משפט ליהוה מעשהו כל אבני כיס
12 תועבת מלכים עשות רשע כי בצדקה יכון כסא
13 רצון מלכים שפתי צדק ודבר ישרים יאהב
14 חמת מלך מלאכי מות ואיש חכם יכפרנה
15 באור פני מלך חיים ורצונו כעב מלקוש
16 קנה חכמה מה טוב מחרוץ וקנות בינה נבחר מכסף
17 מסלת ישרים סור מרע שמר נפשו נצר דרכו
BP #421
18 לפני שבר גאון ולפני כשלון גבה רוח
19 טוב שפל רוח את עניים מחלק שלל את גאים
20 משכיל על דבר ימצא טוב ובוטח ביהוה אשריו
BP #420
21 לחכם לב יקרא נבון ומתק שפתים יסיף לקח
22 מקור חיים שכל בעליו ומוסר אולים אולת
23 לב חכם ישכיל פיהו ועל שפתיו יסיף לקח
24 צוף דבש אמרי נעם מתוק לנפש ומרפא לעצם
25 יש דרך ישר לפני איש ואחריתה דרכי מות
26 נפש עמל עמלה לו כי אכף עליו פיהו
27 איש בליעל כרה רעה ועל שפתיו כאש צרבת
28 איש תהפכות ישלח מדון ונרגן מפריד אלוף
29 איש חמס יפתה רעהו והוליכו בדרך לא טוב
30 עצה עיניו לחשב תהפכות קרץ שפתיו כלה רעה
31 עטרת תפארת שיבה בדרך צדקה תמצא
32 טוב ארך אפים מגבור ומשל ברוחו מלכד עיר
BP #1308
33 בחיק יוטל את הגורל ומיהוה כל משפטו
CPR - הבטחות מותנות | BP - הבטחת התנ"ך