מִשְׁלֵי 20 - תנ ך עברי מודרני Modern Hebrew Bible (HEB)(HEB)
1 לץ היין המה שכר וכל שגה בו לא יחכם
2 נהם ככפיר אימת מלך מתעברו חוטא נפשו
3 כבוד לאיש שבת מריב וכל אויל יתגלע
4 מחרף עצל לא יחרש ישאל בקציר ואין
5 מים עמקים עצה בלב איש ואיש תבונה ידלנה
6 רב אדם יקרא איש חסדו ואיש אמונים מי ימצא
7 מתהלך בתמו צדיק אשרי בניו אחריו
BP #1212
8 מלך יושב על כסא דין מזרה בעיניו כל רע
9 מי יאמר זכיתי לבי טהרתי מחטאתי
10 אבן ואבן איפה ואיפה תועבת יהוה גם שניהם
11 גם במעלליו יתנכר נער אם זך ואם ישר פעלו
12 אזן שמעת ועין ראה יהוה עשה גם שניהם
13 אל תאהב שנה פן תורש פקח עיניך שבע לחם
BP #1197
14 רע רע יאמר הקונה ואזל לו אז יתהלל
15 יש זהב ורב פנינים וכלי יקר שפתי דעת
16 לקח בגדו כי ערב זר ובעד נכרים חבלהו
17 ערב לאיש לחם שקר ואחר ימלא פיהו חצץ
18 מחשבות בעצה תכון ובתחבלות עשה מלחמה
19 גולה סוד הולך רכיל ולפתה שפתיו לא תתערב
20 מקלל אביו ואמו ידעך נרו באישון חשך
21 נחלה מבחלת בראשנה ואחריתה לא תברך
23 תועבת יהוה אבן ואבן ומאזני מרמה לא טוב
24 מיהוה מצעדי גבר ואדם מה יבין דרכו
25 מוקש אדם ילע קדש ואחר נדרים לבקר
26 מזרה רשעים מלך חכם וישב עליהם אופן
27 נר יהוה נשמת אדם חפש כל חדרי בטן
BP #1364
28 חסד ואמת יצרו מלך וסעד בחסד כסאו
29 תפארת בחורים כחם והדר זקנים שיבה
30 חברות פצע תמריק ברע ומכות חדרי בטן
UPR - הבטחות ללא תנאי | BP - הבטחת התנ"ך