מִשְׁלֵי 22 - תנ ך עברי מודרני Modern Hebrew Bible (HEB)(HEB)
1 נבחר שם מעשר רב מכסף ומזהב חן טוב
2 עשיר ורש נפגשו עשה כלם יהוה
3 ערום ראה רעה ויסתר ופתיים עברו ונענשו
4 עקב ענוה יראת יהוה עשר וכבוד וחיים
BP #1414
5 צנים פחים בדרך עקש שומר נפשו ירחק מהם
7 עשיר ברשים ימשול ועבד לוה לאיש מלוה
8 זורע עולה יקצור און ושבט עברתו יכלה
9 טוב עין הוא יברך כי נתן מלחמו לדל
BP #874
10 גרש לץ ויצא מדון וישבת דין וקלון
11 אהב טהור לב חן שפתיו רעהו מלך
BP #1315
12 עיני יהוה נצרו דעת ויסלף דברי בגד
13 אמר עצל ארי בחוץ בתוך רחבות ארצח
14 שוחה עמקה פי זרות זעום יהוה יפול שם
15 אולת קשורה בלב נער שבט מוסר ירחיקנה ממנו
16 עשק דל להרבות לו נתן לעשיר אך למחסור
17 הט אזנך ושמע דברי חכמים ולבך תשית לדעתי
18 כי נעים כי תשמרם בבטנך יכנו יחדו על שפתיך
19 להיות ביהוה מבטחך הודעתיך היום אף אתה
20 הלא כתבתי לך שלשום במועצות ודעת
21 להודיעך קשט אמרי אמת להשיב אמרים אמת לשלחיך
22 אל תגזל דל כי דל הוא ואל תדכא עני בשער
23 כי יהוה יריב ריבם וקבע את קבעיהם נפש
24 אל תתרע את בעל אף ואת איש חמות לא תבוא
25 פן תאלף ארחתו ולקחת מוקש לנפשך
26 אל תהי בתקעי כף בערבים משאות
27 אם אין לך לשלם למה יקח משכבך מתחתיך
28 אל תסג גבול עולם אשר עשו אבותיך
29 חזית איש מהיר במלאכתו לפני מלכים יתיצב בל יתיצב לפני חשכים
CPR - הבטחות מותנות | BP - הבטחת התנ"ך