מִשְׁלֵי 1 - תנ ך עברי מודרני Modern Hebrew Bible (HEB)(HEB)
1 משלי שלמה בן דוד מלך ישראל
2 לדעת חכמה ומוסר להבין אמרי בינה
3 לקחת מוסר השכל צדק ומשפט ומישרים
4 לתת לפתאים ערמה לנער דעת ומזמה
5 ישמע חכם ויוסף לקח ונבון תחבלות יקנה
6 להבין משל ומליצה דברי חכמים וחידתם
7 יראת יהוה ראשית דעת חכמה ומוסר אוילים בזו
BP #114
8 שמע בני מוסר אביך ואל תטש תורת אמך
BP #114
9 כי לוית חן הם לראשך וענקים לגרגרתיך
BP #114
10 בני אם יפתוך חטאים אל תבא
11 אם יאמרו לכה אתנו נארבה לדם נצפנה לנקי חנם
12 נבלעם כשאול חיים ותמימים כיורדי בור
13 כל הון יקר נמצא נמלא בתינו שלל
14 גורלך תפיל בתוכנו כיס אחד יהיה לכלנו
15 בני אל תלך בדרך אתם מנע רגלך מנתיבתם
16 כי רגליהם לרע ירוצו וימהרו לשפך דם
17 כי חנם מזרה הרשת בעיני כל בעל כנף
18 והם לדמם יארבו יצפנו לנפשתם
19 כן ארחות כל בצע בצע את נפש בעליו יקח
20 חכמות בחוץ תרנה ברחבות תתן קולה
21 בראש המיות תקרא בפתחי שערים בעיר אמריה תאמר
22 עד מתי פתים תאהבו פתי ולצים לצון חמדו להם וכסילים ישנאו דעת
23 תשובו לתוכחתי הנה אביעה לכם רוחי אודיעה דברי אתכם
BP #1205
24 יען קראתי ותמאנו נטיתי ידי ואין מקשיב
25 ותפרעו כל עצתי ותוכחתי לא אביתם
26 גם אני באידכם אשחק אלעג בבא פחדכם
27 בבא כשאוה פחדכם ואידכם כסופה יאתה בבא עליכם צרה וצוקה
28 אז יקראנני ולא אענה ישחרנני ולא ימצאנני
29 תחת כי שנאו דעת ויראת יהוה לא בחרו
30 לא אבו לעצתי נאצו כל תוכחתי
31 ויאכלו מפרי דרכם וממעצתיהם ישבעו
32 כי משובת פתים תהרגם ושלות כסילים תאבדם
CPR - הבטחות מותנות | BP - הבטחת התנ"ך
מִשְׁלֵימִשְׁלֵי 1 - תנ ך עברי מודרני Modern Hebrew Bible (HEB)(HEB)