Bible | Bible Search

יְשַׁעְיָהוּ 20 - תנ ך עברי מודרני Modern Hebrew Bible (HEB)(HEB)

¹ בשנת בא תרתן אשדודה בשלח אתו סרגון מלך אשור וילחם באשדוד וילכדה

² בעת ההיא דבר יהוה ביד ישעיהו בן אמוץ לאמר לך ופתחת השק מעל מתניך ונעלך תחלץ מעל רגליך ויעש כן הלך ערום ויחף

³ ויאמר יהוה כאשר הלך עבדי ישעיהו ערום ויחף שלש שנים אות ומופת על מצרים ועל כוש

⁴ כן ינהג מלך אשור את שבי מצרים ואת גלות כוש נערים וזקנים ערום ויחף וחשופי שת ערות מצרים

⁵ וחתו ובשו מכוש מבטם ומן מצרים תפארתם

⁶ ואמר ישב האי הזה ביום ההוא הנה כה מבטנו אשר נסנו שם לעזרה להנצל מפני מלך אשור ואיך נמלט אנחנו

יְשַׁעְיָהוּיְשַׁעְיָהוּ 20 - תנ ך עברי מודרני Modern Hebrew Bible (HEB)(HEB)