יְשַׁעְיָהוּ 40 - תנ ך עברי מודרני Modern Hebrew Bible (HEB)(HEB)
1 נחמו נחמו עמי יאמר אלהיכם
2 דברו על לב ירושלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה
3 קול קורא במדבר פנו דרך יהוה ישרו בערבה מסלה לאלהינו
4 כל גיא ינשא וכל הר וגבעה ישפלו והיה העקב למישור והרכסים לבקעה
BP #776
5 ונגלה כבוד יהוה וראו כל בשר יחדו כי פי יהוה דבר
BP #776
6 קול אמר קרא ואמר מה אקרא כל הבשר חציר וכל חסדו כציץ השדה
7 יבש חציר נבל ציץ כי רוח יהוה נשבה בו אכן חציר העם
8 יבש חציר נבל ציץ ודבר אלהינו יקום לעולם
BP #701
9 על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם
10 הנה אדני יהוה בחזק יבוא וזרעו משלה לו הנה שכרו אתו ופעלתו לפניו
BP #583
11 כרעה עדרו ירעה בזרעו יקבץ טלאים ובחיקו ישא עלות ינהל
BP #582
12 מי מדד בשעלו מים ושמים בזרת תכן וכל בשלש עפר הארץ ושקל בפלס הרים וגבעות במאזנים
13 מי תכן את רוח יהוה ואיש עצתו יודיענו
14 את מי נועץ ויבינהו וילמדהו בארח משפט וילמדהו דעת ודרך תבונות יודיענו
15 הן גוים כמר מדלי וכשחק מאזנים נחשבו הן איים כדק יטול
16 ולבנון אין די בער וחיתו אין די עולה
17 כל הגוים כאין נגדו מאפס ותהו נחשבו לו
18 ואל מי תדמיון אל ומה דמות תערכו לו
19 הפסל נסך חרש וצרף בזהב ירקענו ורתקות כסף צורף
20 המסכן תרומה עץ לא ירקב יבחר חרש חכם יבקש לו להכין פסל לא ימוט
21 הלוא תדעו הלוא תשמעו הלוא הגד מראש לכם הלוא הבינתם מוסדות הארץ
22 הישב על חוג הארץ וישביה כחגבים הנוטה כדק שמים וימתחם כאהל לשבת
23 הנותן רוזנים לאין שפטי ארץ כתהו עשה
24 אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם
25 ואל מי תדמיוני ואשוה יאמר קדוש
26 שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר
27 למה תאמר יעקב ותדבר ישראל נסתרה דרכי מיהוה ומאלהי משפטי יעבור
28 הלוא ידעת אם לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו
BP #388
30 ויעפו נערים ויגעו ובחורים כשול יכשלו
DES - התגברות על ייאוש | CPR - הבטחות מותנות | BP - הבטחת התנ"ך
יְשַׁעְיָהוּיְשַׁעְיָהוּ 40 - תנ ך עברי מודרני Modern Hebrew Bible (HEB)(HEB)