יְשַׁעְיָהוּ 43 - תנ ך עברי מודרני Modern Hebrew Bible (HEB)(HEB)
3 כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך
4 מאשר יקרת בעיני נכבדת ואני אהבתיך ואתן אדם תחתיך ולאמים תחת נפשך
5 אל תירא כי אתך אני ממזרח אביא זרעך וממערב אקבצך
6 אמר לצפון תני ולתימן אל תכלאי הביאי בני מרחוק ובנותי מקצה הארץ
7 כל הנקרא בשמי ולכבודי בראתיו יצרתיו אף עשיתיו
8 הוציא עם עור ועינים יש וחרשים ואזנים למו
9 כל הגוים נקבצו יחדו ויאספו לאמים מי בהם יגיד זאת וראשנות ישמיענו יתנו עדיהם ויצדקו וישמעו ויאמרו אמת
10 אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה
BP #197
11 אנכי אנכי יהוה ואין מבלעדי מושיע
BP #239
12 אנכי הגדתי והושעתי והשמעתי ואין בכם זר ואתם עדי נאם יהוה ואני אל
13 גם מיום אני הוא ואין מידי מציל אפעל ומי ישיבנה
14 כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם
15 אני יהוה קדושכם בורא ישראל מלככם
16 כה אמר יהוה הנותן בים דרך ובמים עזים נתיבה
17 המוציא רכב וסוס חיל ועזוז יחדו ישכבו בל יקומו דעכו כפשתה כבו
18 אל תזכרו ראשנות וקדמניות אל תתבננו
19 הנני עשה חדשה עתה תצמח הלוא תדעוה אף אשים במדבר דרך בישמון נהרות
BP #222
20 תכבדני חית השדה תנים ובנות יענה כי נתתי במדבר מים נהרות בישימן להשקות עמי בחירי
21 עם זו יצרתי לי תהלתי יספרו
22 ולא אתי קראת יעקב כי יגעת בי ישראל
23 לא הביאת לי שה עלתיך וזבחיך לא כבדתני לא העבדתיך במנחה ולא הוגעתיך בלבונה
24 לא קנית לי בכסף קנה וחלב זבחיך לא הרויתני אך העבדתני בחטאותיך הוגעתני בעונתיך
25 אנכי אנכי הוא מחה פשעיך למעני וחטאתיך לא אזכר
BP #491
26 הזכירני נשפטה יחד ספר אתה למען תצדק
27 אביך הראשון חטא ומליציך פשעו בי
28 ואחלל שרי קדש ואתנה לחרם יעקב וישראל לגדופים
ILN - התמודדות עם מחלה | UPR - הבטחות ללא תנאי | BP - הבטחת התנ"ך
יְשַׁעְיָהוּיְשַׁעְיָהוּ 43 - תנ ך עברי מודרני Modern Hebrew Bible (HEB)(HEB)