יְשַׁעְיָהוּ 61 - תנ ך עברי מודרני Modern Hebrew Bible (HEB)(HEB)
1 רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח
DES #9
BP #1057
BP #1083
2 לקרא שנת רצון ליהוה ויום נקם לאלהינו לנחם כל אבלים
BP #1083
3 לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר
BP #1056
4 ובנו חרבות עולם שממות ראשנים יקוממו וחדשו ערי חרב שממות דור ודור
5 ועמדו זרים ורעו צאנכם ובני נכר אכריכם וכרמיכם
6 ואתם כהני יהוה תקראו משרתי אלהינו יאמר לכם חיל גוים תאכלו ובכבודם תתימרו
BP #1093
7 תחת בשתכם משנה וכלמה ירנו חלקם לכן בארצם משנה יירשו שמחת עולם תהיה להם
BP #1092
8 כי אני יהוה אהב משפט שנא גזל בעולה ונתתי פעלתם באמת וברית עולם אכרות להם
BP #1091
9 ונודע בגוים זרעם וצאצאיהם בתוך העמים כל ראיהם יכירום כי הם זרע ברך יהוה
BP #1306
10 שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה
11 כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים
BP #1323
DES - התגברות על ייאוש | BP - הבטחת התנ"ך
יְשַׁעְיָהוּיְשַׁעְיָהוּ 61 - תנ ך עברי מודרני Modern Hebrew Bible (HEB)(HEB)