יִרְמְיָהוּ 12 - תנ ך עברי מודרני Modern Hebrew Bible (HEB)(HEB)
1 צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד
2 נטעתם גם שרשו ילכו גם עשו פרי קרוב אתה בפיהם ורחוק מכליותיהם
3 ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה
4 עד מתי תאבל הארץ ועשב כל השדה ייבש מרעת ישבי בה ספתה בהמות ועוף כי אמרו לא יראה את אחריתנו
5 כי את רגלים רצתה וילאוך ואיך תתחרה את הסוסים ובארץ שלום אתה בוטח ואיך תעשה בגאון הירדן
6 כי גם אחיך ובית אביך גם המה בגדו בך גם המה קראו אחריך מלא אל תאמן בם כי ידברו אליך טובות
7 עזבתי את ביתי נטשתי את נחלתי נתתי את ידדות נפשי בכף איביה
CPR #76
8 היתה לי נחלתי כאריה ביער נתנה עלי בקולה על כן שנאתיה
9 העיט צבוע נחלתי לי העיט סביב עליה לכו אספו כל חית השדה התיו לאכלה
BP #301
10 רעים רבים שחתו כרמי בססו את חלקתי נתנו את חלקת חמדתי למדבר שממה
BP #120
11 שמה לשממה אבלה עלי שממה נשמה כל הארץ כי אין איש שם על לב
BP #299
12 על כל שפים במדבר באו שדדים כי חרב ליהוה אכלה מקצה ארץ ועד קצה הארץ אין שלום לכל בשר
13 זרעו חטים וקצים קצרו נחלו לא יועלו ובשו מתבואתיכם מחרון אף יהוה
14 כה אמר יהוה על כל שכני הרעים הנגעים בנחלה אשר הנחלתי את עמי את ישראל הנני נתשם מעל אדמתם ואת בית יהודה אתוש מתוכם
15 והיה אחרי נתשי אותם אשוב ורחמתים והשבתים איש לנחלתו ואיש לארצו
BP #1196
16 והיה אם למד ילמדו את דרכי עמי להשבע בשמי חי יהוה כאשר למדו את עמי להשבע בבעל ונבנו בתוך עמי
BP #212
17 ואם לא ישמעו ונתשתי את הגוי ההוא נתוש ואבד נאם יהוה
CPR - הבטחות מותנות | BP - הבטחת התנ"ך
יִרְמְיָהוּיִרְמְיָהוּ 12 - תנ ך עברי מודרני Modern Hebrew Bible (HEB)(HEB)