יִרְמְיָהוּ 45 - תנ ך עברי מודרני Modern Hebrew Bible (HEB)(HEB)
1 הדבר אשר דבר ירמיהו הנביא אל ברוך בן נריה בכתבו את הדברים האלה על ספר מפי ירמיהו בשנה הרבעית ליהויקים בן יאשיהו מלך יהודה לאמר
2 כה אמר יהוה אלהי ישראל עליך ברוך
3 אמרת אוי נא לי כי יסף יהוה יגון על מכאבי יגעתי באנחתי ומנוחה לא מצאתי
4 כה תאמר אליו כה אמר יהוה הנה אשר בניתי אני הרס ואת אשר נטעתי אני נתש ואת כל הארץ היא
5 ואתה תבקש לך גדלות אל תבקש כי הנני מביא רעה על כל בשר נאם יהוה ונתתי לך את נפשך לשלל על כל המקמות אשר תלך שם
יִרְמְיָהוּיִרְמְיָהוּ 45 - תנ ך עברי מודרני Modern Hebrew Bible (HEB)(HEB)