יְחֶזְקֵאל 21 - תנ ך עברי מודרני Modern Hebrew Bible (HEB)(HEB)
1 ויהי דבר יהוה אלי לאמר
2 בן אדם שים פניך אל ירושלם והטף אל מקדשים והנבא אל אדמת ישראל
3 ואמרת לאדמת ישראל כה אמר יהוה הנני אליך והוצאתי חרבי מתערה והכרתי ממך צדיק ורשע
BP #248
5 וידעו כל בשר כי אני יהוה הוצאתי חרבי מתערה לא תשוב עוד
BP #977
6 ואתה בן אדם האנח בשברון מתנים ובמרירות תאנח לעיניהם
BP #623
7 והיה כי יאמרו אליך על מה אתה נאנח ואמרת אל שמועה כי באה ונמס כל לב ורפו כל ידים וכהתה כל רוח וכל ברכים תלכנה מים הנה באה ונהיתה נאם אדני יהוה
BP #623
8 ויהי דבר יהוה אלי לאמר
9 בן אדם הנבא ואמרת כה אמר אדני אמר חרב חרב הוחדה וגם מרוטה
BP #696
10 למען טבח טבח הוחדה למען היה לה ברק מרטה או נשיש שבט בני מאסת כל עץ
11 ויתן אתה למרטה לתפש בכף היא הוחדה חרב והיא מרטה לתת אותה ביד הורג
12 זעק והילל בן אדם כי היא היתה בעמי היא בכל נשיאי ישראל מגורי אל חרב היו את עמי לכן ספק אל ירך
13 כי בחן ומה אם גם שבט מאסת לא יהיה נאם אדני יהוה
BP #501
14 ואתה בן אדם הנבא והך כף אל כף ותכפל חרב שלישתה חרב חללים היא חרב חלל הגדול החדרת להם
15 למען למוג לב והרבה המכשלים על כל שעריהם נתתי אבחת חרב אח עשויה לברק מעטה לטבח
16 התאחדי הימיני השימי השמילי אנה פניך מעדות
17 וגם אני אכה כפי אל כפי והניחתי חמתי אני יהוה דברתי
19 ואתה בן אדם שים לך שנים דרכים לבוא חרב מלך בבל מארץ אחד יצאו שניהם ויד ברא בראש דרך עיר ברא
BP #374
20 דרך תשים לבוא חרב את רבת בני עמון ואת יהודה בירושלם בצורה
21 כי עמד מלך בבל אל אם הדרך בראש שני הדרכים לקסם קסם קלקל בחצים שאל בתרפים ראה בכבד
22 בימינו היה הקסם ירושלם לשום כרים לפתח פה ברצח להרים קול בתרועה לשום כרים על שערים לשפך סללה לבנות דיק
24 לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם יען הזכרכם בכף תתפשו
BP #287
25 ואתה חלל רשע נשיא ישראל אשר בא יומו בעת עון קץ
BP #287
26 כה אמר אדני יהוה הסיר המצנפת והרים העטרה זאת לא זאת השפלה הגבה והגבה השפיל
27 עוה עוה עוה אשימנה גם זאת לא היה עד בא אשר לו המשפט ונתתיו
28 ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברק
29 בחזות לך שוא בקסם לך כזב לתת אותך אל צוארי חללי רשעים אשר בא יומם בעת עון קץ
30 השב אל תערה במקום אשר נבראת בארץ מכרותיך אשפט אתך
31 ושפכתי עליך זעמי באש עברתי אפיח עליך ונתתיך ביד אנשים בערים חרשי משחית
32 לאש תהיה לאכלה דמך יהיה בתוך הארץ לא תזכרי כי אני יהוה דברתי
UPR - הבטחות ללא תנאי | BIB - התנ"ך | BP - הבטחת התנ"ך
יְחֶזְקֵאליְחֶזְקֵאל 21 - תנ ך עברי מודרני Modern Hebrew Bible (HEB)(HEB)