עֹבַדְיָה 1 - תנ ך עברי מודרני Modern Hebrew Bible (HEB)(HEB)
1 חזון עבדיה כה אמר אדני יהוה לאדום שמועה שמענו מאת יהוה וציר בגוים שלח קומו ונקומה עליה למלחמה
2 הנה קטן נתתיך בגוים בזוי אתה מאד
3 זדון לבך השיאך שכני בחגוי סלע מרום שבתו אמר בלבו מי יורדני ארץ
BP #559
4 אם תגביה כנשר ואם בין כוכבים שים קנך משם אורידך נאם יהוה
BP #384
5 אם גנבים באו לך אם שודדי לילה איך נדמיתה הלוא יגנבו דים אם בצרים באו לך הלוא ישאירו עללות
BP #383
6 איך נחפשו עשו נבעו מצפניו
BP #383
7 עד הגבול שלחוך כל אנשי בריתך השיאוך יכלו לך אנשי שלמך לחמך ישימו מזור תחתיך אין תבונה בו
FOR #5
UPR #117
BP #246
8 הלוא ביום ההוא נאם יהוה והאבדתי חכמים מאדום ותבונה מהר עשו
9 וחתו גבוריך תימן למען יכרת איש מהר עשו מקטל
10 מחמס אחיך יעקב תכסך בושה ונכרת לעולם
11 ביום עמדך מנגד ביום שבות זרים חילו ונכרים באו שערו ועל ירושלם ידו גורל גם אתה כאחד מהם
BP #111
12 ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה
13 אל תבוא בשער עמי ביום אידם אל תרא גם אתה ברעתו ביום אידו ואל תשלחנה בחילו ביום אידו
BP #655
14 ואל תעמד על הפרק להכרית את פליטיו ואל תסגר שרידיו ביום צרה
15 כי קרוב יום יהוה על כל הגוים כאשר עשית יעשה לך גמלך ישוב בראשך
16 כי כאשר שתיתם על הר קדשי ישתו כל הגוים תמיד ושתו ולעו והיו כלוא היו
17 ובהר ציון תהיה פליטה והיה קדש וירשו בית יעקב את מורשיהם
18 והיה בית יעקב אש ובית יוסף להבה ובית עשו לקש ודלקו בהם ואכלום ולא יהיה שריד לבית עשו כי יהוה דבר
BP #690
19 וירשו הנגב את הר עשו והשפלה את פלשתים וירשו את שדה אפרים ואת שדה שמרון ובנימן את הגלעד
20 וגלת החל הזה לבני ישראל אשר כנענים עד צרפת וגלת ירושלם אשר בספרד ירשו את ערי הנגב
21 ועלו מושעים בהר ציון לשפט את הר עשו והיתה ליהוה המלוכה
FOR - סליחה | UPR - הבטחות ללא תנאי | BP - הבטחת התנ"ך
עֹבַדְיָהעֹבַדְיָה 1 - תנ ך עברי מודרני Modern Hebrew Bible (HEB)(HEB)