צְפַנְיָה 3 - תנ ך עברי מודרני Modern Hebrew Bible (HEB)(HEB)
1 הוי מראה ונגאלה העיר היונה
2 לא שמעה בקול לא לקחה מוסר ביהוה לא בטחה אל אלהיה לא קרבה
3 שריה בקרבה אריות שאגים שפטיה זאבי ערב לא גרמו לבקר
4 נביאיה פחזים אנשי בגדות כהניה חללו קדש חמסו תורה
5 יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת
6 הכרתי גוים נשמו פנותם החרבתי חוצותם מבלי עובר נצדו עריהם מבלי איש מאין יושב
7 אמרתי אך תיראי אותי תקחי מוסר ולא יכרת מעונה כל אשר פקדתי עליה אכן השכימו השחיתו כל עלילותם
8 לכן חכו לי נאם יהוה ליום קומי לעד כי משפטי לאסף גוים לקבצי ממלכות לשפך עליהם זעמי כל חרון אפי כי באש קנאתי תאכל כל הארץ
9 כי אז אהפך אל עמים שפה ברורה לקרא כלם בשם יהוה לעבדו שכם אחד
BP #167
10 מעבר לנהרי כוש עתרי בת פוצי יובלון מנחתי
11 ביום ההוא לא תבושי מכל עלילתיך אשר פשעת בי כי אז אסיר מקרבך עליזי גאותך ולא תוספי לגבהה עוד בהר קדשי
12 והשארתי בקרבך עם עני ודל וחסו בשם יהוה
13 שארית ישראל לא יעשו עולה ולא ידברו כזב ולא ימצא בפיהם לשון תרמית כי המה ירעו ורבצו ואין מחריד
BP #169
14 רני בת ציון הריעו ישראל שמחי ועלזי בכל לב בת ירושלם
15 הסיר יהוה משפטיך פנה איבך מלך ישראל יהוה בקרבך לא תיראי רע עוד
16 ביום ההוא יאמר לירושלם אל תיראי ציון אל ירפו ידיך
17 יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה
BP #173
18 נוגי ממועד אספתי ממך היו משאת עליה חרפה
19 הנני עשה את כל מעניך בעת ההיא והושעתי את הצלעה והנדחה אקבץ ושמתים לתהלה ולשם בכל הארץ בשתם
BP #1142
20 בעת ההיא אביא אתכם ובעת קבצי אתכם כי אתן אתכם לשם ולתהלה בכל עמי הארץ בשובי את שבותיכם לעיניכם אמר יהוה
BP #1141
BP - הבטחת התנ"ך
צְפַנְיָהצְפַנְיָה 3 - תנ ך עברי מודרני Modern Hebrew Bible (HEB)(HEB)