בְּמִדְבַּר 10 - תנ ך עברי מודרני Modern Hebrew Bible (HEB)(HEB)
1 וידבר יהוה אל משה לאמר
2 עשה לך שתי חצוצרת כסף מקשה תעשה אתם והיו לך למקרא העדה ולמסע את המחנות
3 ותקעו בהן ונועדו אליך כל העדה אל פתח אהל מועד
BP #559
4 ואם באחת יתקעו ונועדו אליך הנשיאים ראשי אלפי ישראל
BP #384
5 ותקעתם תרועה ונסעו המחנות החנים קדמה
BP #383
6 ותקעתם תרועה שנית ונסעו המחנות החנים תימנה תרועה יתקעו למסעיהם
BP #383
8 ובני אהרן הכהנים יתקעו בחצצרות והיו לכם לחקת עולם לדרתיכם
9 וכי תבאו מלחמה בארצכם על הצר הצרר אתכם והרעתם בחצצרות ונזכרתם לפני יהוה אלהיכם ונושעתם מאיביכם
10 וביום שמחתכם ובמועדיכם ובראשי חדשיכם ותקעתם בחצצרת על עלתיכם ועל זבחי שלמיכם והיו לכם לזכרון לפני אלהיכם אני יהוה אלהיכם
11 ויהי בשנה השנית בחדש השני בעשרים בחדש נעלה הענן מעל משכן העדת
BP #111
12 ויסעו בני ישראל למסעיהם ממדבר סיני וישכן הענן במדבר פארן
13 ויסעו בראשנה על פי יהוה ביד משה
BP #655
14 ויסע דגל מחנה בני יהודה בראשנה לצבאתם ועל צבאו נחשון בן עמינדב
15 ועל צבא מטה בני יששכר נתנאל בן צוער
16 ועל צבא מטה בני זבולן אליאב בן חלון
17 והורד המשכן ונסעו בני גרשון ובני מררי נשאי המשכן
18 ונסע דגל מחנה ראובן לצבאתם ועל צבאו אליצור בן שדיאור
BP #690
19 ועל צבא מטה בני שמעון שלמיאל בן צורי שדי
20 ועל צבא מטה בני גד אליסף בן דעואל
21 ונסעו הקהתים נשאי המקדש והקימו את המשכן עד באם
22 ונסע דגל מחנה בני אפרים לצבאתם ועל צבאו אלישמע בן עמיהוד
23 ועל צבא מטה בני מנשה גמליאל בן פדהצור
24 ועל צבא מטה בני בנימן אבידן בן גדעוני
25 ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישדי
26 ועל צבא מטה בני אשר פגעיאל בן עכרן
27 ועל צבא מטה בני נפתלי אחירע בן עינן
28 אלה מסעי בני ישראל לצבאתם ויסעו
29 ויאמר משה לחבב בן רעואל המדיני חתן משה נסעים אנחנו אל המקום אשר אמר יהוה אתו אתן לכם לכה אתנו והטבנו לך כי יהוה דבר טוב על ישראל
30 ויאמר אליו לא אלך כי אם אל ארצי ואל מולדתי אלך
31 ויאמר אל נא תעזב אתנו כי על כן ידעת חנתנו במדבר והיית לנו לעינים
32 והיה כי תלך עמנו והיה הטוב ההוא אשר ייטיב יהוה עמנו והטבנו לך
33 ויסעו מהר יהוה דרך שלשת ימים וארון ברית יהוה נסע לפניהם דרך שלשת ימים לתור להם מנוחה
34 וענן יהוה עליהם יומם בנסעם מן המחנה
35 ויהי בנסע הארן ויאמר משה קומה יהוה ויפצו איביך וינסו משנאיך מפניך
36 ובנחה יאמר שובה יהוה רבבות אלפי ישראל
FOR - סליחה | UPR - הבטחות ללא תנאי | BP - הבטחת התנ"ך
בְּמִדְבַּרבְּמִדְבַּר 10 - תנ ך עברי מודרני Modern Hebrew Bible (HEB)(HEB)