בְּמִדְבַּר 17 - תנ ך עברי מודרני Modern Hebrew Bible (HEB)(HEB)
1 וידבר יהוה אל משה לאמר
2 דבר אל בני ישראל וקח מאתם מטה מטה לבית אב מאת כל נשיאהם לבית אבתם שנים עשר מטות איש את שמו תכתב על מטהו
3 ואת שם אהרן תכתב על מטה לוי כי מטה אחד לראש בית אבותם
4 והנחתם באהל מועד לפני העדות אשר אועד לכם שמה
5 והיה האיש אשר אבחר בו מטהו יפרח והשכתי מעלי את תלנות בני ישראל אשר הם מלינם עליכם
6 וידבר משה אל בני ישראל ויתנו אליו כל נשיאיהם מטה לנשיא אחד מטה לנשיא אחד לבית אבתם שנים עשר מטות ומטה אהרן בתוך מטותם
7 וינח משה את המטת לפני יהוה באהל העדת
BP #114
8 ויהי ממחרת ויבא משה אל אהל העדות והנה פרח מטה אהרן לבית לוי ויצא פרח ויצץ ציץ ויגמל שקדים
BP #114
9 ויצא משה את כל המטת מלפני יהוה אל כל בני ישראל ויראו ויקחו איש מטהו
BP #114
10 ויאמר יהוה אל משה השב את מטה אהרן לפני העדות למשמרת לאות לבני מרי ותכל תלונתם מעלי ולא ימתו
11 ויעש משה כאשר צוה יהוה אתו כן עשה
12 ויאמרו בני ישראל אל משה לאמר הן גוענו אבדנו כלנו אבדנו
13 כל הקרב הקרב אל משכן יהוה ימות האם תמנו לגוע
BP - הבטחת התנ"ך
בְּמִדְבַּרבְּמִדְבַּר 17 - תנ ך עברי מודרני Modern Hebrew Bible (HEB)(HEB)